kerala
ബി.ജെ.പി സര്ക്കാറിന് നെഹ്റുവിന്റെ ഓര്മകള് മായ്ക്കാനാവില്ല, അത് ഇന്ത്യയുടെ ഡി.എന്.എയില് പതിഞ്ഞത്: ശശി തരൂര്
നെഹ്റു പ്രധാനമന്ത്രിയായിരുന്നില്ലെങ്കില് ഇന്ത്യ ഇന്ന് കാണുന്ന ജനാധിപത്യ രാജ്യമായി നിലനില്ക്കില്ലായിരുന്നുവെന്നും ശശി തരൂര് പറഞ്ഞു.
കോഴിക്കോട്: ജവഹര്ലാല് നെഹ്റു എന്ന വ്യക്തിത്വം ഇന്ത്യയുടെ ആത്മാവില് അലിഞ്ഞുചേര്ന്നതാണെന്നും ബി.ജെ.പി സര്ക്കാറിന് അദ്ദേഹത്തിന്റെ ഓര്മകള് മായ്ച്ചുകളയാന് കഴിയില്ലെന്നും കോണ്ഗ്രസ് എം.പി ശശി തരൂര്. നെഹ്റു പ്രധാനമന്ത്രിയായിരുന്നില്ലെങ്കില് ഇന്ത്യ ഇന്ന് കാണുന്ന ജനാധിപത്യ രാജ്യമായി നിലനില്ക്കില്ലായിരുന്നുവെന്നും ശശി തരൂര് പറഞ്ഞു. ഒരു മലയാളം പത്രത്തിന് നല്കിയ അഭിമുഖത്തിലാണ് തരൂര് ഇക്കാര്യങ്ങല് പറഞ്ഞത്.
ജോസിപ് ബ്രോസ് ടിറ്റോക്ക് ശേഷം യുഗോസ്ലാവിയ നേരിട്ടത് പോലെ ഇന്ത്യയും പല കഷ്ണങ്ങളാകുമായിരുന്നു. ഭാഷയുടെയും മതത്തിന്റെയും പേരില് വിഭജിക്കപ്പെടുമായിരുന്നു. എന്നാല് നെഹ്റുവിന് ലഭിച്ച 17 വര്ഷങ്ങള് ‘ഇന്ത്യ’ എന്ന ഏകീകൃത ആശയത്തിന് വേരുകള് പടര്ത്താന് കഴിഞ്ഞെന്നും ശശി തരൂര് പറഞ്ഞു.
ഐ.ഐ.ടി വിദ്യാര്ത്ഥികള് വിദേശത്ത് വിജയം വരിക്കുമ്പോഴും, ഓരോ തവണ ഉപഗ്രഹം ഭ്രമണപഥത്തില് എത്തുമ്പോഴും, ആണവനിലയങ്ങളില് നിന്ന് ഊര്ജം ഉത്പാദിപ്പിക്കുമ്പോഴും നെഹ്റുവിന്റെ പൈതൃകമാണ് തെളിയുന്നതെന്നും തരൂര് പറഞ്ഞു. പേര് മാറ്റിയോ പാഠപുസ്തകങ്ങള് തിരുത്തിയോ ഈ സ്വാധീനം ഇല്ലാതാക്കാന് കഴിയില്ലെന്നും അദ്ദേഹം കൂട്ടിച്ചേര്ത്തു.
ഓരോ വോട്ടര്മാരും വോട്ട് രേഖപ്പെടുത്തുമ്പോഴും നെഹ്റുവിന്റെ ജനാധിപത്യ ബോധം ഊട്ടിയുറപ്പിക്കപ്പെടുന്നു. ഈ പൈതൃകമാണ് നിലവിലെ ‘ഭൂരിപക്ഷവാദ ദേശീയത’ക്കെതിരെയുള്ള തന്റെ പോരാട്ടത്തില് പ്രധാന ആയുധമെന്നും ശശി തരൂര് പറഞ്ഞു.
kerala
‘തോറ്റുകഴിയുമ്പോള് പിണറായി വിജയന് കണ്ടംവഴി ഓടുന്ന സ്പീഡ് ആയിരിക്കും 110; എല്ലാ കാര്യത്തിലും അഭിപ്രായം പറയാന് ഞാനില്ല’: വി ഡി സതീശന്
തിരുവനന്തപുരം: നിയമസഭാ തെരഞ്ഞെടുപ്പില് യുഡിഎഫ് 100ലധികം സീറ്റുകള് നേടുമെന്നും തോറ്റുകഴിയുമ്പോള് പിണറായി വിജയന് കണ്ടംവഴി ഓടുമെന്നും പരിഹസിച്ച് പ്രതിപക്ഷ നേതാവ് വി ഡി സതീശന്. വികസനമല്ലാതെ മറ്റൊന്നും യുഡിഎഫ് പറഞ്ഞിട്ടില്ല. പുതുയുഗ യാത്ര എന്നു പറഞ്ഞാല്, കേരളത്തിന്റെ ചരിത്രത്തില് ആദ്യമായി കേരളത്തിന്റെ ഭാവിയെക്കുറിച്ചും പുതിയ പദ്ധതികളെക്കുറിച്ചും ചര്ച്ച ചെയ്യുന്ന ഒന്നാണ്. 30 ദിവസം കഴിയുമ്പോള് അത് എല്ലാവര്ക്കും മനസിലാകുമെന്നും വി ഡി സതീശന് മാധ്യമങ്ങളോട് പറഞ്ഞു.
‘വികസനമല്ലാതെ മറ്റെന്താണ് ഞങ്ങള് ഇതുവരെ പറഞ്ഞിട്ടുള്ളത്. പുതുയുഗ യാത്ര എന്നു പറഞ്ഞാല്, കേരളത്തിന്റെ ചരിത്രത്തില് ആദ്യമായി കേരളത്തിന്റെ ഭാവിയെക്കുറിച്ചും പുതിയ പദ്ധതികളെക്കുറിച്ചും ചര്ച്ച ചെയ്യുന്ന ഒന്നാണ്. 30 ദിവസം കഴിയുമ്പോള് അത് എല്ലാവര്ക്കും മനസിലാകും. മുഖ്യമന്ത്രി യുഡിഎഫിന്റെ യാത്രകളെ ശ്രദ്ധിക്കുന്നുണ്ടെന്ന് മാത്രമല്ല, അവിടെ ചര്ച്ച ചെയ്യേണ്ട വിഷയങ്ങള് എന്തെല്ലാമായിരിക്കണമെന്നും അദ്ദേഹം പറയുന്നുണ്ട്. ആ ഉപദേശങ്ങളുംകൂടി ഞങ്ങള് സ്വീകരിക്കാം.’- വികസനം ചര്ച്ച ചെയ്യാന് പ്രതിപക്ഷത്തിന് ഭയമാണെന്നും യുഡിഎഫ് കാണുന്നത് മലര്പ്പൊടിക്കാരന്റെ സ്വപ്നമാണെന്നുമുള്ള ആക്ഷേപത്തിന് മറുപടിയായി വി ഡി സതീശന് പറഞ്ഞു.
സമസ്തയടക്കമുള്ള സമുദായ സംഘടനകളുടെ ആഭ്യന്തരകാര്യങ്ങളില് ഇടപെടില്ലെന്നും ലോകത്ത് നടക്കുന്ന എല്ലാ വിഷയങ്ങളിലും അഭിപ്രായം പറയേണ്ട ആളല്ല പ്രതിപക്ഷ നേതാവെന്നും അദ്ദേഹം പറഞ്ഞു. ‘ഒരു സമുദായ സംഘടനകളുടെയും ആഭ്യന്തരകാര്യങ്ങളില് ഞങ്ങള് ഇടപെടാറില്ല. കാരണം ഞങ്ങള്ക്ക് വേറെ പണിയുണ്ട്. ഈ കുറ്റം പറയുന്നവര്ക്ക് പരസ്പരം പഴിചാരാം, ഒത്തുചേരാം. അതൊക്കെ ഓരോരുത്തരുടെ ഇഷ്ടമാണ്. അത്തരം കാര്യങ്ങളിലെല്ലാം കേറി അഭിപ്രായം പറയേണ്ട ആവശ്യമെന്താണ്? അങ്ങനെ അഭിപ്രായം പറയേണ്ടവരല്ല രാഷ്ട്രീയ നേതാക്കള്. പ്രതിപക്ഷ നേതാവിന്റെ ജോലി അതല്ല. എന്എസ്എസിലോ എസ്എന്ഡിപിയിലോ സമസ്തയിലോ എന്തെങ്കിലും തീരുമാനം എടുത്താല് നിങ്ങള് ഉടനെ എന്റെയടുത്തേക്ക് വരും, അതിലൊന്നും അഭിപ്രായം പറയേണ്ട ആളല്ല ഞാന്. സൂര്യന് കീഴിലുള്ള എല്ലാ കാര്യങ്ങളെക്കുറിച്ചും, ലോകത്ത് നടക്കുന്ന എല്ലാ വിഷയങ്ങളെക്കുറിച്ചും പ്രതികരണം നടത്തേണ്ട ആളല്ല പ്രതിപക്ഷ നേതാവ്. ഓരോ സംഘടനകളുടെ ആഭ്യന്തരകാര്യങ്ങള് അവര് നോക്കിക്കോളും, അവിടെയുള്ള പ്രശ്നങ്ങള് അവര് തന്നെ പരിഹരിച്ചോളും.’- അദ്ദേഹം പറഞ്ഞു.
kerala
ഉമ്മന് ചാണ്ടിയെ കേസില് കുടുക്കുമെന്ന് ഗണേഷ് പറഞ്ഞിരുന്നു; ഗണേഷ് കുമാറിന്റെ മുന് പേഴ്സണല് സ്റ്റാഫംഗം സുധീർ മലയിൽ
തിരുവനന്തപുരം: മന്ത്രി കെ.ബി ഗണേഷ് കുമാറിനെതിരെ മുൻ പെഴ്സണൽ സ്റ്റാഫിന്റെ മൊഴി ഉമ്മൻ ചാണ്ടിയെ ലൈംഗിക ആരോപണ കേസിൽ കുടുക്കുമെന്ന് ഗണേഷ് പറഞ്ഞിരുന്നതായി സുധീർ മലയിലിന്റെ മൊഴി.
പലവട്ടം ഇക്കാര്യം ഗണേഷ് പറഞ്ഞിരുന്നെന്ന് സാക്ഷിമൊഴി നൽകി. 2011 മുതൽ 2013 വരെപെഴ്സണൽ സ്റ്റാഫ് അംഗം ആയിരുന്നു സുധീർ. കൊട്ടാരക്കര കോടതിയിലാണ് ഗണേഷിനതിരെ മൊഴി നൽകിയത്. സോളാർ പരാതി ഗൂഢാലോചനയുടെ ഭാഗമാണെന്നും സാക്ഷി മൊഴിയിലുണ്ട്. സോളാർ പരാതിക്കാരിയുമായി ഗണേഷിന് അടുത്ത ബന്ധമുണ്ട്.
മന്ത്രിവസതിയിലും ഓഫീസുകളിലും ഇവർ നിത്യ സന്ദർശക ആയിരുന്നെന്നും മുൻ സ്റ്റാഫ് അംഗം പറയുന്നു. ആരോപണങ്ങൾ ഉയർന്നപ്പോൾ ഉമ്മൻ ചാണ്ടി ഗണേഷിനെ രാജി വെപ്പിച്ചിരുന്നു. മന്ത്രിസ്ഥാനം തിരികെ നൽകാത്ത ഉമ്മൻ ചാണ്ടിയെ പാഠം പഠിപ്പിക്കാൻ ഗണേഷ് തീരുമാനിച്ചിരുന്നുവെന്നും സുധീര് വ്യക്തമാക്കി. സോളാർ പരാതിയിൽ നാല് പേജുകൾ കൂട്ടിച്ചേർത്തത് ഗൂഢാലോചനയാണെന്ന പരാതിയിൽ ആണ് മൊഴി. അഭിഭാഷകനായ സുധീർ ജേക്കബ് ആണ് ഹരജിക്കാരൻ.
kerala
തിരുവല്ല സ്പാ പീഡനക്കേസ്: അന്വേഷണം പൊലീസിലേക്കും
പോലീസും പ്രാദേശിക ഗുണ്ടാസംഘങ്ങളും തമ്മിലുള്ള കൂട്ടുകെട്ട് അന്വേഷിക്കാന് ഉന്നതതല നിര്ദ്ദേശം ലഭിച്ചു.
തിരുവല്ലയില് സ്പാ ജീവനക്കാരിയെ കാപ്പ കേസ് പ്രതിയും സംഘവും ചേര്ന്ന് പീഡിപ്പിച്ച സംഭവത്തില് നിര്ണ്ണായ വിവരങ്ങള് പുറത്ത്. പോലീസും പ്രാദേശിക ഗുണ്ടാസംഘങ്ങളും തമ്മിലുള്ള കൂട്ടുകെട്ട് അന്വേഷിക്കാന് ഉന്നതതല നിര്ദ്ദേശം ലഭിച്ചു. തിരുവല്ലയിലെ സ്പാകളില് നിന്ന് ചില പോലീസുകാര് കൃത്യമായി ‘മാസപ്പടി’ വാങ്ങുന്നതായും ഇവര് സ്പാകളിലെ നിത്യസന്ദര്ശകരാണെന്നും സംശയമുണ്ട്.
ഫെബ്രുവരി ഒന്നിന് നടന്ന സംഭവത്തില് കേസെടുക്കാന് പോലീസ് ആദ്യം താല്പര്യം പ്രകടിപ്പിച്ചില്ലെന്നും ജില്ലാ പോലീസ് മേധാവി ഇടപെട്ട ശേഷമാണ് എഫ്.ഐ.ആര് രജിസ്റ്റര് ചെയ്തതെന്നും റിപ്പോര്ട്ടുകളുണ്ട്. സംഭവം നടന്ന സ്പായുടെ ഉടമയും രംഗത്തെത്തിയിട്ടുണ്ട്. ഇത് വെറും ഗുണ്ടാപ്പിരിവ് കേസ് മാത്രമല്ലെന്നും, തന്റെ ബിസിനസ് തകര്ക്കാന് മറ്റൊരു സ്പാ ഉടമ നല്കിയ ക്വട്ടേഷന് ആണെന്നും അദ്ദേഹം പറയുന്നു.
കേസില് ആകെ ആറ് പ്രതികളാണുള്ളത്. ഇതുവരെ പ്രധാന പ്രതിയായ സുബിന് അലക്സാണ്ടര് ഉള്പ്പെടെയുള്ളവര് പിടിയിലായി. ഒളിവിലുള്ള പ്രതികള്ക്കായി പോലീസ് തിരച്ചില് ഊര്ജ്ജിതമാക്കി. സുബിനെതിരെ വീണ്ടും കാപ്പ ചുമത്താന് പോലീസ് നീക്കം തുടങ്ങി.
ഫെബ്രുവരി ഒന്നിന് ഉച്ചയ്ക്ക് മൂന്ന് മണിയോടെ ആറംഗ സംഘം സ്പായില് അതിക്രമിച്ചു കയറി 50,000 രൂപ ആവശ്യപ്പെട്ടു. അത് നല്കാത്തതിനെത്തുടര്ന്ന് ജീവനക്കാരിയെ കത്തിമുനയില് നിര്ത്തി ക്രൂരമായി പീഡിപ്പിക്കുകയായിരുന്നു. ഇതിന്റെ ദൃശ്യങ്ങള് പ്രതികള് മൊബൈലില് പകര്ത്തുകയും ചെയ്തു.
-
More1 day ago‘ഇന്നും നാളെയും ഇനി വരാനിരിക്കുന്ന ദിവസങ്ങളിലും ഞങ്ങൾ അപരിചിതനൊപ്പമായിരിക്കും’: കുടിയേറ്റ നയം വ്യക്തമാക്കി മംദാനി’
-
kerala1 day ago‘തോറ്റുകഴിയുമ്പോള് പിണറായി വിജയന് കണ്ടംവഴി ഓടുന്ന സ്പീഡ് ആയിരിക്കും 110; എല്ലാ കാര്യത്തിലും അഭിപ്രായം പറയാന് ഞാനില്ല’: വി ഡി സതീശന്
-
News1 day agoചരിത്രവിജയവുമായി ഇന്ത്യന് ടീം; അണ്ടര്-19 ലോകകപ്പ് ജേതാക്കള്ക്ക് 7.5 കോടി പാരിതോഷികം പ്രഖ്യാപിച്ച് ബിസിസിഐ
-
News1 day ago‘ടൈം മെഷീന് കിട്ടിയാല് 2014ലേക്ക് പോയി പ്രധാനമന്ത്രിയെ മാറ്റും’; നടന് കിഷോറിന്റെ വാക്കുകള് വൈറല്
-
News1 day agoമധ്യപ്രദേശില് വിദ്യാര്ത്ഥിനിക്കെതിരെ ക്രൂരത; കൂട്ടബലാത്സംഗ കേസില് നാല് പേര് പിടിയില്
-
News1 day ago‘ഒരു സ്ത്രീയെയും ഗര്ഭം പൂര്ത്തിയാക്കാന് നിര്ബന്ധിക്കാനാവില്ല’; പ്രായപൂര്ത്തിയാകാത്ത പെണ്കുട്ടിക്ക് ഏഴ് മാസത്തെ ഗര്ഭഛിദ്രത്തിന് സുപ്രിംകോടതി അനുമതി
-
News24 hours agoഓര്മയുണ്ടായിരുന്നത് പേരും താമസ സ്ഥലവും മാത്രം; തമിഴ്നാട്ടില് നിന്നും കാണാതായ വനിതാ ഡോക്ടറെ കൊച്ചിയില് കണ്ടെത്തി
-
News22 hours agoറീല് ചിത്രീകരണത്തിനിടെ ദാരുണാന്ത്യം; യുവതി അബദ്ധത്തില് തൂങ്ങിമരിച്ചു