Connect with us

Video Stories

സഹകരണ ബാങ്കുകളിലെ നിക്ഷേപങ്ങള്‍ ദേശസാല്‍കൃത ബാങ്കുകളിലേക്ക്

Published

on

കണ്ണൂര്‍: സഹകരണ പ്രതിസന്ധി തുടരുന്ന സാഹചര്യത്തില്‍ നിക്ഷേപകര്‍ സഹകരണ ബാങ്കുകളിലെ പണം ദേശസാല്‍കൃത ബാങ്കുകളിലേക്ക് മാറ്റുന്ന പ്രവണത വര്‍ദ്ധിച്ചു. ഇതിനകം നൂറു കോടിയിലധികം സഹകരണ നിക്ഷേപങ്ങള്‍ ദേശസാല്‍കൃത ബാങ്കുകളിലെത്തിയതായാണ് അറിയുന്നത്. സഹകരണ ബാങ്കിന്റെ ചെക്ക് അക്കൗണ്ടുള്ള ദേശസാല്‍കൃത ബാങ്കുകളില്‍ നല്‍കിയാണ് നിക്ഷേപങ്ങള്‍ മാറ്റുന്നത്. സഹകരണ ബാങ്കുകളില്‍ പണം ഉള്ളത് ഫിക്‌സഡ് ഡെപോസിറ്റ് ആണെങ്കില്‍ ആദ്യം ആ പണം അതേ ബാങ്കിലെ സേവിംഗ്‌സ് അക്കൗണ്ടിലേക്ക് സറണ്ടര്‍ ചെയ്യുന്നു.

 

പിന്നീട് ആ തുകക്കുള്ള ചെക്ക് ദേശസാല്‍കൃത ബാങ്കിലെ അക്കൗണ്ടിലേക്ക് നല്‍കുന്നു. ചെക്ക് കളക്ക്ഷനാവുമ്പോള്‍ ആഴ്ചയില്‍ 24000 രൂപ വീതം പിന്‍വലിക്കുന്നു. കൃത്യമായ ഉറവിടമുള്ള നിക്ഷേപങ്ങളാണ് ഇങ്ങനെ പിന്‍വലിയുന്നത്. ആദായ നികുതി പരിധിയില്‍ വരാത്ത 2.5 ലക്ഷം രൂപയില്‍ കുറഞ്ഞ നിക്ഷേപങ്ങളും രേഖപ്രകാരമുള്ള വാര്‍ഷിക വരുമാനം രണ്ടര ലക്ഷം ഇല്ലാതിരിക്കുകയും പലിശ ഇനത്തില്‍ പ്രതിവര്‍ഷം രണ്ടര ലക്ഷത്തില്‍ കൂടുതല്‍ ലഭിക്കാതിരിക്കുകയും ചെയ്യുന്ന നിക്ഷേപങ്ങളും പിന്‍വലിക്കുന്ന കൂട്ടത്തിലുണ്ട്.
രണ്ടര ലക്ഷം വരെയുള്ള പലിശക്ക് 10 ശതമാനം ആദായ നികുതി ബാധകമാണെങ്കിലും ഉറവിടവും റിട്ടേണും സമര്‍പ്പിക്കുമ്പോള്‍ അത് തിരിച്ചുകിട്ടുന്നതിനാലാണ് ഇത്തരം നിക്ഷേപങ്ങള്‍ നിര്‍ഭയമായി ദേശസാല്‍കൃത ബാങ്കുകളിലേക്ക് മാറ്റുന്നത്.

 

സംസ്ഥാന ജില്ലാ സഹകരണ ബാങ്കുകള്‍ ഒഴികെയുള്ള സഹകരണ ബാങ്കുകള്‍ ബാങ്കുകളല്ല സൊസൈറ്റികള്‍ മാത്രമാണെന്ന് റിസര്‍വ്വ് ബാങ്ക് വ്യക്തമാക്കിയതും നിക്ഷേപം മാറ്റുന്നതിന് കാരണമായിട്ടുണ്ടെന്ന് കരുതപ്പെടുന്നു. നിക്ഷേപങ്ങള്‍ ഇങ്ങനെ ചോര്‍ന്നു തുടങ്ങിയതോടെ ഇത് തടയാനുള്ള തീവ്രശ്രമത്തിലാണ് സഹകരണ ബാങ്കുകള്‍. ഫിക്‌സഡ് ഡെപോസിറ്റ് സേവിംഗ്‌സ് അക്കൗണ്ടിലേക്ക് മാറ്റാന്‍ എത്തുന്നവരെ പരമാവധി നിരുത്സാഹപ്പെടുത്തിയും അറിവില്ലാത്തവരെ ഇല്ലാത്ത നിയമം പറഞ്ഞ് തെറ്റിദ്ധരിപ്പിച്ച് തിരിച്ചയച്ചുമാണ് പിടിച്ചുനില്‍ക്കുന്നത്. സേവിംഗ്‌സ് ബാങ്കില്‍ നിലവില്‍ പണമുള്ളവരുടെ ദേശസാല്‍കൃത ബാങ്കുകളിലൂടെ എത്തുന്ന ചെക്കുകളോട് പ്രതികരിക്കാതെയും ചില ബാങ്കുകള്‍ പ്രതിരോധിക്കുന്നു. ചെക്കുകള്‍ പിടിച്ചുവെക്കുന്ന ഓരോ ദിവസത്തിനും ദേശസാല്‍കൃത ബാങ്കുകള്‍ക്ക് പിഴ നല്‍കേണ്ടിവരുമെന്ന നിയമം പോലും വിസ്മരിച്ചാണ് ഈ നടപടി.

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

പ്രീക്വാര്‍ട്ടറില്‍ പോളണ്ടിനെ വീഴ്ത്തി ഫ്രാന്‍സിന്റെ തേരോട്ടം

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

Published

on

ഖത്തര്‍ ലോകകപ്പ് ഫുട്ബോളില്‍ നിലവിലെ ചാമ്പ്യന്‍മാരായ ഫ്രാന്‍സ് ക്വാര്‍ട്ടര്‍ ഫൈനലില്‍.റൗണ്ട് 16 പോരാട്ടത്തില്‍ പോളണ്ടിനെ 3-1 നാണ് ഫ്രാന്‍സ് തകര്‍ത്തത്.44-ാം മിനിറ്റില്‍ ഒലിവിയര്‍ ജിറൂദാണ് പോളണ്ട് പ്രതിരോധം തകര്‍ത്ത് ഫ്രാന്‍സിന് ആദ്യ ലീഡ് സമ്മാനിച്ചത്.

74-ാം മിനിറ്റിലും, രണ്ടാം പകുതിയുടെ ഇഞ്ചുറി ടൈമിലും ഗോളുകള്‍ അടിച്ച് കിലിയന്‍ എംബാപ്പെ പോളണ്ടിന്റെ അവസാന പ്രതീക്ഷകള്‍ ഇല്ലാതാക്കി ഫ്രാന്‍സിനെ വിജയത്തിലേക്ക് നയിക്കുകയായിരുന്നു.

മത്സരത്തിന്റെ അവസാന നിമിഷം ലഭിച്ച പെനാല്‍റ്റി വലയിലെത്തിച്ച് റോബര്‍ട്ട് ലെവന്‍ഡോസ്‌കി പോളണ്ടിന് ആശ്വാസഗോള്‍ സമ്മാനിച്ചു.

 

 

Continue Reading

Video Stories

‘വിദേശവിമാനങ്ങള്‍ക്ക് അനുമതി വേണം’ ; കണ്ണൂര്‍ വിമാനത്താവളത്തിലെ ആദ്യയാത്രക്കാരുടെ കൂട്ടായ്മ വ്യോമയാനമന്ത്രിയ കാണാന്‍ ഡല്‍ഹിയിലേക്ക്

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം.

Published

on

കണ്ണൂര്‍: വിദേശ വിമാനങ്ങള്‍ക്ക് അനുമതി, കൂടുതല്‍ ആഭ്യന്തര സര്‍വീസുകള്‍, വിദേശത്തെ കൂടുതല്‍ വിമാനത്താവളങ്ങളിലേക്ക് സര്‍വീസുകള്‍ തുടങ്ങിയ ആവശ്യങ്ങളുമായി കണ്ണൂര്‍ വിമാനത്താവളത്തില്‍ നിന്നുള്ള ആദ്യയാത്രക്കാരുടെ കൂട്ടായ്മ ഡല്‍ഹിയിലേക്കു പറക്കും.

വ്യോമയാന മന്ത്രി, വിവിധ വിമാനക്കമ്പനി പ്രതിനിധികള്‍, ഉന്നത ഉദ്യോഗസ്ഥര്‍ തുടങ്ങിയവരുമായി കൂടിക്കാഴ്ച നടത്തി കണ്ണൂര്‍ വിമാനത്താവള വികസനത്തിന് വഴിയൊരുക്കുകയാണ് ലക്ഷ്യം. 12ന് കണ്ണൂരില്‍ നിന്നു പുറപ്പെടുന്ന സംഘം 13, 14 ദിവസങ്ങളില്‍ ഡല്‍ഹിയിലുണ്ടാകും.നിലവില്‍ കണ്ണൂര്‍ വിമാനത്താവളത്തില്‍ നിന്നു സര്‍വീസ് നടത്തുന്ന ഗോ ഫസ്റ്റ്, ഇന്‍ഡിഗോ, എയര്‍ഇന്ത്യ, എയര്‍ ഇന്ത്യ എക്സ്പ്രസ് എന്നിവയുടെ ഉന്നത ഉദ്യോഗസ്ഥരുമായി സംസാരിച്ച് സര്‍വീസുകളുടെ എണ്ണം വര്‍ധിപ്പിക്കാന്‍ ശ്രമിക്കുമെന്ന് ഭാരവാഹികള്‍ പറഞ്ഞു.

വിസ്താര, സ്പൈസ് ജെറ്റ്, ജെറ്റ് എയര്‍വെയ്സ്, ആകാശ തുടങ്ങിയ കമ്പനികളെ കണ്ണൂരിലേക്ക് ക്ഷണിക്കാനും യാത്ര ലക്ഷ്യമിടുന്നു.

 

Continue Reading

Video Stories

എയിംസില്‍ സൈബര്‍ അക്രമണം- പിന്നില്‍ ചൈനയെന്ന് സൂചന

Published

on

ഡല്‍ഹിയിലെ ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസില്‍ (എയിംസ്) സൈബര്‍ ആക്രമണം. ലക്ഷക്കണക്കിന് രോഗികളുടെ സ്വകാര്യ വിവരങ്ങള്‍ ചോര്‍ത്തിയതായി റിപ്പോര്‍ട്ട്. ചൈനീസ് ഹാക്കര്‍മാര്‍ നടത്തിയതായാണ് സൂചന. അഞ്ച് പ്രധാന സെര്‍വറുകളെ ലക്ഷ്യം വെച്ചതായി വൃത്തങ്ങള്‍ അറിയിച്ചു.

മോഷ്ടിച്ച ഡാറ്റകള്‍ ഇന്റര്‍നെറ്റിന്റെ ഡാര്‍ക്ക് വെബില്‍ വിറ്റതാകാനാണ് സാധ്യതയെന്ന് വിവരം. മോഷ്ടിച്ച എയിംസ് ഡാറ്റയ്ക്കായി ഡാര്‍ക്ക് വെബില്‍ 1,600ലധികം സെര്‍ച്ചിംഗ് ഓപ്ഷനുകള്‍ കാണിച്ചു. രാഷ്ട്രീയക്കാരും സെലിബ്രിറ്റികളും ഉള്‍പ്പെടെയുള്ള വിവിഐപികളുടെ വിവരങ്ങളാണ് മോഷ്ടിച്ച വിവരങ്ങളില്‍ ഉള്‍പ്പെട്ടിട്ടുണ്ട്. പണം തട്ടിയെടുക്കലായിരുന്നു ഹാക്കര്‍മാരുടെ പ്രധാന ലക്ഷ്യം. ഹാക്കര്‍മാര്‍ 200 കോടി രൂപ ക്രിപ്‌റ്റോ കറന്‍സി ആവശ്യപ്പെട്ടതായയും റിപ്പോര്‍ട്ടുണ്ട്.

Continue Reading

Trending