News
സൗദിയില് പ്രധാന എണ്ണ ശുദ്ധീകരണ കേന്ദ്രത്തിലേക്ക് ഡ്രോണ് ആക്രമണം; പ്രവര്ത്തനം താത്കാലികമായി നിര്ത്തിവെച്ചു
വിദേശ ഡ്രോണുകള് ഉപയോഗിച്ച് നടത്തിയ ആക്രമണ ശ്രമം പരാജയപ്പെടുത്തിയതായി സൗദി പ്രതിരോധ മന്ത്രാലയം ഔദ്യോഗികമായി സ്ഥിരീകരിച്ചു.
റിയാദ്: സൗദി അരാംകോയുടെ എണ്ണശുദ്ധീകരണ ശാലയ്ക്ക് (റിഫൈനറി) നേരെ ഡ്രോണ് ആക്രമണം. മുന്കരുതല് നടപടിയുടെ ഭാഗമായി റിഫൈനറിയുടെ പ്രവര്ത്തനം താത്കാലികമായി നിര്ത്തിവെച്ചു. വിദേശ ഡ്രോണുകള് ഉപയോഗിച്ച് നടത്തിയ ആക്രമണ ശ്രമം പരാജയപ്പെടുത്തിയതായി സൗദി പ്രതിരോധ മന്ത്രാലയം ഔദ്യോഗികമായി സ്ഥിരീകരിച്ചു.
രണ്ട് ഡ്രോണുകള് ഉപയോഗിച്ചാണ് ആക്രമണത്തിന് ശ്രമം നടന്നതെന്ന് പ്രതിരോധ മന്ത്രാലയ വക്താവ് ബ്രിഗേഡിയര് ജനറല് തുര്ക്കി അല് മാലിക്കി അറിയിച്ചു. ആകാശത്തുവെച്ച് തന്നെ സൈന്യം ഡ്രോണുകളെ വെടിവെച്ചിട്ടു. തകര്ക്കപ്പെട്ട ഡ്രോണുകളുടെ അവശിഷ്ടങ്ങള് പതിച്ചതിനെത്തുടര്ന്ന് പ്ലാന്റില് ചെറിയ രീതിയില് തീപിടുത്തമുണ്ടായെങ്കിലും ഉടന് തന്നെ അത് നിയന്ത്രണവിധേയമാക്കി.
ആക്രമണത്തില് ആര്ക്കും പരിക്കേറ്റതായി റിപ്പോര്ട്ടുകളില്ല. സ്ഥലത്തുനിന്നും പുക ഉയരുന്ന ദൃശ്യങ്ങള് സോഷ്യല് മീഡിയയില് പ്രചരിച്ചിരുന്നു. നിലവില് സ്ഥിതിഗതികള് പൂര്ണമായും നിയന്ത്രണവിധേയമാണെന്നും മേഖലയില് സുരക്ഷാ സന്നാഹങ്ങള് ശക്തമാക്കിയതായും അധികൃതര് അറിയിച്ചു.
kerala
ഇറാന് – ഇസ്രാഈല് സംഘര്ഷം; ഉച്ചയ്ക്കു ശേഷം സ്വര്ണവിലയില് വര്ധന
ആഗോളവിപണിയിലും വില കുതിച്ചുയരുകയാണ്.
കൊച്ചി: പശ്ചിമേഷ്യന് സംഘര്ഷം സ്വര്ണവിലയിലും പ്രതിഫലിക്കുന്നു. കേരളത്തില് രാവിലെ കുറഞ്ഞ സ്വര്ണവിലയില് ഉച്ചയോടു കൂടി വര്ധനവുണ്ടായി. ആഗോളവിപണിയിലും വില കുതിച്ചുയരുകയാണ്.
ഉച്ചക്ക് ഗ്രാമിന് 65 രൂപ കൂടി 15630 രൂപയും പവന് 520 രൂപ കൂടി 1,25,040 രൂപയുമാണായത്. ആഗോള വിപണിയില് സ്പോട്ട് ഗോള്ഡിന് 115.46 ഡോളര് കൂടി 5,393.56 ഡോളര് ആയി. 2.19 ശതമാനമാണ് വര്ധിച്ചത്. ഇന്ന് രാവിലെ സ്വര്ണം ഗ്രാമിന് 300 രൂപ കുറഞ്ഞിരുന്നു. 15,565 രൂപയായിരുന്നു ഗ്രാം വില. പവന്റെ വിലയില് 2400 രൂപ കുറഞ്ഞ് 1,24,520 രൂപയായിരുന്നു. യു.എസ്, ഇസ്രായേല് സേനകള് ഇറാനില് നടത്തുന്ന യുദ്ധം തന്നെയാണ് സ്വര്ണവില വര്ധിക്കാനുള്ള പ്രധാന കാരണങ്ങളിലൊന്ന്.
main stories
അമേരിക്കന് യുദ്ധനീക്കങ്ങള്ക്ക് തിരിച്ചടി; കുവൈത്തില് അമേരിക്കന് യുദ്ധവിമാനങ്ങള് തകര്ത്ത് ഇറാന്
തകര്ന്നു വീണ എ 15 വിമാനങ്ങളിലെ പൈലറ്റുമാര് പാരച്യൂട്ടില് പറന്നിറങ്ങുന്ന ദൃശ്യങ്ങള് കുവൈത്തില് നിന്ന് പുറത്ത് വന്നു.
കുവൈത്തില് അമേരിക്കന് യുദ്ധവിമാനങ്ങള് തകര്ത്ത് ഇറാന്. ആക്രമണം സ്ഥിരീകരിച്ച് കുവൈത്ത് പ്രതിരോധ മന്ത്രാലയം. തകര്ന്നു വീണ എ 15 വിമാനങ്ങളിലെ പൈലറ്റുമാര് പാരച്യൂട്ടില് പറന്നിറങ്ങുന്ന ദൃശ്യങ്ങള് കുവൈത്തില് നിന്ന് പുറത്ത് വന്നു. വിമാനങ്ങള് എവിടെ നിന്നാണ് പറന്നുയര്ന്നതെന്ന് വ്യക്തമല്ല. പശ്ചിമേഷ്യയില് ഏറ്റവും കൂടുതല് അമേരിക്കന് സൈനികരുള്ള രാജ്യമാണ് കുവൈത്ത്. മേഖലയിലെ അമേരിക്കന് യുദ്ധനീക്കങ്ങള്ക്ക് വലിയ തിരിച്ചടി ആയാണ് സംഭവം വിലയിരുത്തപ്പെടുന്നത്. എന്നാല്, അപകടത്തിന്റെ കൃത്യമായ കാരണം ഇതുവരെ അറിവായിട്ടില്ല. തിങ്കളാഴ്ച രാവിലെ കുവൈറ്റില് നിരവധി അമേരിക്കന് യുദ്ധവിമാനങ്ങള് തകര്ന്നതായും എന്നാല് അവയിലെ പൈലറ്റുമാര് രക്ഷപ്പെട്ടതായും കുവൈറ്റ് പ്രതിരോധ മന്ത്രാലയം അറിയിച്ചു.
-
News1 day agoനാഗ്പൂരില് സ്ഫോടകവസ്തു നിര്മ്മാണ യൂണിറ്റില് വന്സ്ഫോടനം, 17 പേര് കൊല്ലപ്പെട്ടു, 18 പേര്ക്ക് ഗുരുതര പരിക്ക്
-
News1 day agoപട്ടാപ്പകൽ വീട്ടമ്മയുടെ മുഖത്ത് മുളകുപൊടി എറിഞ്ഞ് കവർച്ച: നാലു പവൻ മാലയും ഏഴുലക്ഷം രൂപയും കവർന്നു
-
News1 day ago‘വളരെ ഭയപ്പെടുത്തുന്ന നിമിഷമായിരുന്നു അത്’; ദുബായില് കുടുങ്ങി പി.വി. സിന്ധു
-
world1 day ago‘മേഖലയിലെ സുരക്ഷക്ക് അടിയന്തിര ഇടപെടല് ആവശ്യം’; ഗള്ഫ് നേതാക്കളുമായി ചര്ച്ച നടത്തി ഒമാന് സുല്ത്താന്
-
News1 day ago‘മറ്റുള്ളവന്റെ വീഴ്ചയിൽ സന്തോഷിക്കുന്നവർ ആഘോഷിക്കട്ടേ; നിന്റെ അപ്പൻ കൂടെയുണ്ട്’ — മകനെ പിന്തുണച്ച് ടിനി ടോം
-
News1 day agoഗള്ഫ് നാടുകളിലെ സിബിഎസ്ഇ പരീക്ഷകള് മാറ്റി
-
News24 hours agoഒമാനിലെ ദുഖം തുറമുഖം ലക്ഷ്യമിട്ട് രണ്ട് ഡ്രോണുകള്; പ്രവാസിക്ക് പരിക്കേറ്റു
-
More2 days ago‘ഇറാൻ്റെ മിസൈൽ സംവിധാനവും നാവികസേനയും തകർക്കും ‘; ആക്രമണത്തിലെ യുഎസ് പങ്കാളിത്തം സ്ഥിരീകരിച്ച് ട്രംപ്