News
ട്രംപിന്റെ പതനം കാണും വരെ വിശ്രമമില്ല; അമേരിക്കയെ വിശ്വസിക്കരുതെന്ന് ചര്ച്ചാ സംഘത്തിന് ഇറാന്റെ കര്ശന മുന്നറിയിപ്പ്
വിദേശ ആധിപത്യം സ്ഥാപിക്കാനുള്ള ട്രംപ് ഭരണകൂടത്തിന്റെ ഒരു നീക്കവും ഒരിക്കലും അംഗീകരിക്കില്ലെന്നും സാദേഗി വ്യക്തമാക്കി.
അമേരിക്കന് പ്രസിഡന്റ് ഡൊണാള്ഡ് ട്രംപിന്റെ ജനവിരുദ്ധവും ഏകപക്ഷീയവുമായ നയങ്ങള്ക്കെതിരെ ആഞ്ഞടിച്ച് ഇറാന്. ട്രംപിനെ രോഷാഗ്നിയില് മുക്കിക്കളയുന്നത് വരെ തങ്ങള് വിശ്രമിക്കില്ലെന്ന് ഇറാന്റെ പരമോന്നത നേതാവ് മുജ്തബ ഖാംനഈയുടെ ഉപദേഷ്ടാവ് അബ്ദുല്ല ഹാജി സാദേഗി ശക്തമായ മുന്നറിയിപ്പ് നല്കി. വാഷിങ്ടണിനെ നയിക്കുന്ന ട്രംപിനെ വിശ്വസിക്കാന് കൊള്ളാത്ത ശത്രുവായാണ് ഇറാന് കാണുന്നത്. വിദേശ ആധിപത്യം സ്ഥാപിക്കാനുള്ള ട്രംപ് ഭരണകൂടത്തിന്റെ ഒരു നീക്കവും ഒരിക്കലും അംഗീകരിക്കില്ലെന്നും സാദേഗി വ്യക്തമാക്കി. ട്രംപിന്റെ ചതിക്കുഴികളില് വീഴാതിരിക്കാന് അമേരിക്കയുമായുള്ള ഇടപാടുകളില് അതീവ ജാഗ്രത പുലര്ത്തണമെന്ന് അദ്ദേഹം ഇറാന്റെ ചര്ച്ചാ സംഘത്തോട് ആവശ്യപ്പെട്ടു.
മാസങ്ങളായി തുടരുന്ന സംഘര്ഷങ്ങള്ക്ക് അറുതി വരുത്താന് സ്വിറ്റ്സര്ലന്ഡില് നടന്ന ഉന്നതതല ചര്ച്ചകളില് പുരോഗതി രേഖപ്പെടുത്തിയതിന് തൊട്ടുപിന്നാലെയാണ് ട്രംപിന്റെ വിശ്വസ്തതയെ ചോദ്യം ചെയ്തുകൊണ്ടുള്ള ഇറാന്റെ ഈ പ്രസ്താവന പുറത്തുവരുന്നത്. ഉപരോധങ്ങളില് ഇളവ് വരുത്തുന്നതിനും എണ്ണ കയറ്റുമതി പുനരാരംഭിക്കുന്നതിനും ഇരുപക്ഷവും ധാരണയിലെത്തിയതായാണ് റിപ്പോര്ട്ടുകള്. ഇറാന് നിര്മിത എണ്ണ ഉല്പന്നങ്ങളുടെ വില്പ്പനയ്ക്ക് യു.എസ് ട്രഷറി വകുപ്പ് 60 ദിവസത്തെ താല്കാലിക ലൈസന്സ് നല്കിയതോടെ ഹുര്മുസ് കടലിടുക്കിലെ കപ്പല് ഗതാഗതം വീണ്ടും സജീവമായിട്ടുണ്ടെങ്കിലും, ട്രംപ് ഭരണകൂടത്തിന്റെ മുന്കാല വഞ്ചനകള് കണക്കിലെടുത്ത് പൂര്ണ്ണ വിശ്വാസത്തിലെടുക്കാന് ഇറാന് തയ്യാറല്ല.
അതേസമയം, ചര്ച്ചകള് ഒരു സുപ്രധാന കരാറിലേക്കുള്ള നല്ല തുടക്കമാണെന്ന് യു.എസ് വൈസ് പ്രസിഡന്റ് ജെ.ഡി. വാന്സ് വിശേഷിപ്പിച്ചു. അന്താരാഷ്ട്ര ആണവോര്ജ്ജ ഏജന്സി ഇന്സ്പെക്ടര്മാരെ രാജ്യത്തേക്ക് തിരിച്ചുവരാന് അനുവദിക്കാന് ഇറാന് സമ്മതിച്ചതായും, ഇത് വലിയൊരു നാഴികക്കല്ലാണെന്നും വാന്സ് അവകാശപ്പെട്ടു. എന്നാല് അമേരിക്കയുടെ ഈ പ്രചാരണം വ്യാജമാണെന്ന് ചൂണ്ടിക്കാട്ടി ഇറാന് രംഗത്തെത്തി. ഔദ്യോഗിക ആണവ ചര്ച്ചകള് ഇതുവരെ ആരംഭിച്ചിട്ടുപോലുമില്ലെന്നാണ് ഇറാന് വിദേശകാര്യ മന്ത്രാലയ വക്താവ് ഇസ്മായില് ബഖായി വ്യക്തമാക്കിയത്. ചര്ച്ചകളില് മേല്ക്കൈ നേടാനുള്ള അമേരിക്കയുടെ തന്ത്രമാണിതെന്നാണ് വിലയിരുത്തപ്പെടുന്നത്.
ട്രംപ് ഭരണകൂടത്തിന്റെ സമ്മര്ദ്ദ തന്ത്രങ്ങള്ക്കിടയിലും നയതന്ത്ര നീക്കങ്ങളുമായി ഇറാന് മുന്നോട്ട് പോവുകയാണ്. ഇതിന്റെ ഭാഗമായി ഇറാന് പ്രസിഡന്റ് മസൂദ് പെസെഷ്കിയന് പാകിസ്താന് സന്ദര്ശിക്കാന് സാധ്യതയുണ്ടെന്ന് റിപ്പോര്ട്ടുകളുണ്ട്. കൂടാതെ യു.എസ് സെക്രട്ടറി ഓഫ് സ്റ്റേറ്റ് മാര്ക്കോ റൂബിയോ ഗള്ഫ് രാജ്യങ്ങള് സന്ദര്ശിക്കാനൊരുങ്ങുന്നുമുണ്ട്. നയതന്ത്ര തലത്തില് ചര്ച്ചകള് പുരോഗമിക്കുമ്പോഴും, അമേരിക്കയുടെ പിന്തുണയോടെ ദക്ഷിണ ലബനാനില് നടത്തുന്ന സൈനിക സാന്നിധ്യം തുടരുമെന്ന് ഇസ്രായേല് അറിയിച്ചു. ലബനാനിലെ സംഘര്ഷത്തില് ഏകദേശം 1.38 ബില്യണ് ഡോളറിന്റെ നാശനഷ്ടങ്ങള് സംഭവിച്ചതായും, ഇസ്രായേല് ആക്രമണങ്ങളില് 4,106 പേര് കൊല്ലപ്പെട്ടതായും ഔദ്യോഗിക കണക്കുകള് വ്യക്തമാക്കുന്നു.
News
ജോണ്സണ് ടാല്കം പൗഡര് കേസ്: 5.5 ബില്യണ് ഡോളര് നഷ്ടപരിഹാരത്തിന് ഒത്തുതീര്പ്പ്
വര്ഷങ്ങളുടെ പോരാട്ടത്തിന് ശേഷം കമ്പനി നഷ്ടപരിഹാരം നല്കി ഒത്തുതീര്പ്പാക്കിയിരിക്കുകയാണ്.
ന്യൂജേഴ്സി: കുഞ്ഞു മക്കളുടെ ദേഹത്ത് മുഴുവന് പൗഡര് പുരട്ടി ആശ്വസിക്കുന്ന അമ്മമാര് ഈ കേസൊന്ന് കേള്ക്കണം. ജോണ്സണ് ആന്റ് ജോണ്സണ് എന്ന ബേബി പൗഡര് കാന്സറിന് കാരണമാകുന്നതായി ചൂണ്ടിക്കാട്ടി ഉപഭോക്താക്കള് നല്കിയ കേസ്, വര്ഷങ്ങളുടെ പോരാട്ടത്തിന് ശേഷം കമ്പനി നഷ്ടപരിഹാരം നല്കി ഒത്തുതീര്പ്പാക്കിയിരിക്കുകയാണ്. 5.5 ബില്യണ് ഡോളര് (ഏകദേശം 550 കോടി ഡോളര്) നഷ്ടപരിഹാരത്തിനാണ് ഒത്തുതീര്പ്പ്. ന്യൂജഴ്സി ആസ്ഥാനമായുള്ള അമേരിക്കന് ഫാര്മസ്യൂട്ടിക്കല് കമ്പനിയായ ജോണ്സണ് & ജോണ്സണ് (J&J) ടാല്ക്കം പൗഡര് ഉപയോഗം മൂലം കാന്സര് ബാധിച്ചെന്നാരോപിച്ച് നല്കിയ പതിനായിരക്കണക്കിന് കേസുകള് നടക്കുകയായിരുന്നു. വര്ഷങ്ങളായി കമ്പനിയെ അലട്ടിക്കൊണ്ടിരിക്കുന്ന നിയമപോരാട്ടത്തിന് വിരാമമിടുക എന്ന ലക്ഷ്യത്തോടെയാണ് ഈ ഒത്തുതീര്പ്പ്. ഈ ഒത്തുതീര്പ്പ് ഏകദേശം 76,000 പരാതികള് ഉള്ക്കൊള്ളുന്നതാണെന്ന് കമ്പനി അറിയിച്ചു. ടാല്ക്കം പൗഡറുമായി ബന്ധപ്പെട്ട് ബാക്കിയുള്ള മിക്ക കേസുകളും ഇതിലൂടെ അവസാനിപ്പിക്കാനാണ് ശ്രമം. ഈ ആരോപണങ്ങള്ക്ക് ശാസ്ത്രീയമായ അടിസ്ഥാനമില്ലെന്നാണ് കമ്പനിയുടെ വാദം. ഈ ഒത്തുതീര്പ്പ് വഴി കമ്പനിക്ക് ഈ വിഷയം അവസാനിപ്പിച്ച് ജീവന് രക്ഷിക്കുന്ന മരുന്നുകളും മെഡിക്കല് ഉപകരണങ്ങളും വികസിപ്പിക്കുന്ന ദൗത്യത്തില് കൂടുതല് ശ്രദ്ധ കേന്ദ്രീകരിക്കാന് കഴിയുമെന്നാണ്.
2020ല് അമേരിക്കയിലും കാനഡയിലും കമ്പനി ടാല്ക്ക് അടങ്ങിയ ബേബി പൗഡറിന്റെ വില്പ്പന നിര്ത്തിയിരുന്നു. ടാല്ക്കം പൗഡറില് ആസ്ബസ്റ്റോസിന്റെ അംശങ്ങള് ഉണ്ടായിരുന്നുവെന്നും അതാണ് കാന്സറിന് കാരണമായതെന്നും ആരോപിച്ചിരുന്ന നിരവധി കേസുകള് കമ്പനി ഇതിനകം ഒത്തുതീര്പ്പാക്കിയിട്ടുണ്ട്. ഇതേ വിഷയത്തില് 2025ല് യുകെയിലും ജോണ്സണ് & ജോണ്സണിനെതിരെ കേസ് ഫയല് ചെയ്തിട്ടുണ്ട്. പരാതിക്കാര് പറയുന്നത് ജോണ്സണ് & ജോണ്സണ് ബേബി പൗഡര് ഉപയോഗിച്ചതിനെ തുടര്ന്ന് അണ്ഡാശയ കാന്സര്, മെസോതെലിയോമ പോലുള്ള ഗുരുതര കാന്സറുകള് ബാധിച്ചുവെന്നാണ്. അതേസമയം തങ്ങളുടെ ഉല്പ്പന്നങ്ങള് കാന്സറിന് കാരണമായിട്ടില്ലെന്ന നിലപാടില് കമ്പനി ഇപ്പോഴും ഉറച്ചുനില്ക്കുകയാണ്.
News
അബുദാബി ഇന്ത്യന് എംബസ്സിയില് ക്ലര്ക്ക് തസ്തികയിലേക്ക് അപേക്ഷ ക്ഷണിച്ചു
അബുദാബി ഇന്ത്യന് എംബസി ലോക്കല് ക്ലാര്ക്ക് തസ്തികയിലേക്ക് യോഗ്യരായ ഉദ്യോഗാര്ത്ഥികളില് നിന്ന് അപേക്ഷകള് ക്ഷണിച്ചു.
അബുദാബി: അബുദാബി ഇന്ത്യന് എംബസി ലോക്കല് ക്ലാര്ക്ക് തസ്തികയിലേക്ക് യോഗ്യരായ ഉദ്യോഗാര്ത്ഥികളില് നിന്ന് അപേക്ഷകള് ക്ഷണിച്ചു.
കുറഞ്ഞ വിദ്യാഭ്യാസ യോഗ്യത:
ബിരുദംപരിചയം: സര്ക്കാര്/സര്ക്കാരിതര സ്ഥാപനങ്ങളില് കുറഞ്ഞത് 2 വര്ഷത്തെ പ്രവൃത്തിപരിചയം, നല്ല നോട്ടിംഗ്, ഡ്രാഫ്റ്റിംഗ് കഴിവുകള് എന്നിവ ഉണ്ടായിരിക്കണംനല്ല ആശയവിനിമയ കഴിവുകളും ഇംഗ്ലീഷില് പ്രവര്ത്തന പരിജ്ഞാനവും ഉണ്ടായിരിക്കണം. അപേക്ഷകര്ക്ക് സാധുവായ യുഎഇ റസിഡന്റ് വിസ ഉണ്ടായിരിക്കണം , മാനസികവും ശാരീരികവുമായ ആരോഗ്യവുമായ മെഡിക്കല് ഫിറ്റ്നസ് സര്ട്ടിഫിക്കറ്റ് ഹാജരാക്കണം.
പരമാവധി പ്രായപരിധി:
35 വയസ്സ്. പോലീസ് ക്ലിയറന്സ് സര്ട്ടിഫിക്കറ്റ് ആവശ്യമാണ്. വേഗത്തിലുള്ള ടൈപ്പിംഗ് വേഗതയുള്ള കമ്പ്യൂട്ടറുകളിലെ കഴിവ്. ഇവന്റുമായി ബന്ധപ്പെട്ട സപ്പോര്ട്ട് ടാസ്ക്കുകള്ക്കൊപ്പം പതിവ് ക്ലറിക്കല് ചുമതലകള് കൈകാര്യം ചെയ്യാനുള്ള കഴിവുള്ള നല്ല നോട്ടിംഗ് & ഡ്രാഫ്റ്റിംഗ് കഴിവുകള്. ഓഫീസ് നടപടിക്രമങ്ങള്, റെക്കോര്ഡ് സൂക്ഷിക്കല്, ഉപകരണങ്ങള് കൈകാര്യം ചെയ്യല് എന്നിവയെക്കുറിച്ചുള്ള അടിസ്ഥാന ധാരണയും മീറ്റിംഗുകള്, പത്രസമ്മേളനങ്ങള്, സാംസ്കാരിക പരിപാടികള് എന്നിവയ്ക്ക് അഡ്മിനിസ്ട്രേറ്റീവ്, ലോജിസ്റ്റിക്കല് പിന്തുണ നല്കുന്നതില് പരിചയം അഭികാമ്യമായിരിക്കും.
കമ്പ്യൂട്ടറുകളെയും ഓഫീസ് ഉപകരണങ്ങളെയും കുറിച്ചുള്ള അടിസ്ഥാന പ്രവര്ത്തന പരിജ്ഞാനം, പതിവ് സാങ്കേതിക പ്രശ്നങ്ങള് കൈകാര്യം ചെയ്യല്, അവയുടെ പ്രശ്നപരിഹാരം, സ്റ്റാന്ഡേര്ഡ് സോഫ്റ്റ്വെയര് ആപ്ലിക്കേഷനുകളുടെ ഉപയോഗം എന്നിവ ഉള്പ്പെടെ.
ഐടി സപ്പോര്ട്ട് ടാസ്ക്കുകളെക്കുറിച്ചുള്ള അടിസ്ഥാന അറിവ്.
ശമ്പളവും നിബന്ധനകളും
എംബസിയുടെ പ്രാദേശിക സ്റ്റാഫ് നിയമങ്ങളും നിലവിലുള്ള ചട്ടങ്ങളും അനുസരിച്ച് ശമ്പളവും മറ്റ് ആനുകൂല്യങ്ങളും ഉള്പ്പെടെ പ്രതിമാസ ശമ്പളം 6805 ദിര്ഹമായിരിക്കും. അബുദാബി സര്ക്കാരിന്റെ പ്രാദേശിക നിയമങ്ങള് അനുസരിച്ച് അപേക്ഷകന് ആരോഗ്യ ഇന്ഷുറന്സിന് അര്ഹനായിരിക്കും. നിയമനം തുടക്കത്തില് ആറ് മാസത്തെ പ്രൊബേഷനിലാണ്, പ്രകടനത്തെ അടിസ്ഥാനമാക്കി നീട്ടാവുന്നതാണ്. ഇന്ത്യാ ഗവണ്മെന്റും ബാധകമായ പ്രാദേശിക യുഎഇ നിയമങ്ങളും പുറപ്പെടുവിച്ച നിയമങ്ങളും ചട്ടങ്ങളും അനുസരിച്ചായിരിക്കും തൊഴില് നിയന്ത്രിക്കുന്നത്.
അപേക്ഷാ പ്രക്രിയ
താല്പ്പര്യമുള്ള അപേക്ഷകര് ഓണ്ലൈനായി അപേക്ഷിക്കുകയും താഴെ സൂചിപ്പിച്ച ലിങ്കില് അവരുടെ അപേക്ഷകള് അവരുടെ ബയോഡാറ്റ (സിവി), സമീപകാല കളര് പാസ്പോര്ട്ട് സൈസ് ഫോട്ടോ, വിദ്യാഭ്യാസ സര്ട്ടിഫിക്കറ്റുകളുടെ പകര്പ്പുകള്, പരിചയ തെളിവ്, താമസസ്ഥലം അല്ലെങ്കില് വര്ക്ക് പെര്മിറ്റിന്റെ പകര്പ്പുകള്, മറ്റ് പ്രസക്തമായ രേഖകള് എന്നിവ സഹിതം സമര്പ്പിക്കുകയും വേണം.
ലിങ്ക്: https://forms.gle/hcRAGjteeWF9qSer7
അപേക്ഷകള് സ്വീകരിക്കുന്നതിനുള്ള അവസാന തീയതി: 2026 ഓഗസ്റ്റ് 02. ഇമെയില് അല്ലെങ്കില് പോസ്റ്റ് വഴി സമര്പ്പിക്കുന്ന അപേക്ഷകള് സ്വീകരിക്കുന്നതല്ല.
india
യു.പിയില് ഉദ്ഘാടനം കഴിഞ്ഞ് രണ്ടാഴ്ച തികയും മുമ്പ് 4,200 കോടിയുടെ എക്സ്പ്രസ് വേ തകര്ന്നു
ജൂലൈ 13-നാണ് മുഖ്യമന്ത്രി യോഗി ആദിത്യനാഥ്, പ്രതിരോധ മന്ത്രി രാജ്നാഥ് സിങ്, കേന്ദ്ര റോഡ് ഗതാഗത മന്ത്രി നിതിന് ഗഡ്കരി എന്നിവര് ചേര്ന്ന് എക്സ്പ്രസ് വേ ഉദ്ഘാടനം ചെയ്തത്
ഉത്തര്പ്രദേശില് വന് ആഘോഷങ്ങളോടെ നാടിന് സമര്പ്പിച്ച ലഖ്നൗ-കാണ്പൂര് എലിവേറ്റഡ് എക്സ്പ്രസ് വേയില്, ഉദ്ഘാടനം കഴിഞ്ഞ് രണ്ടാഴ്ച തികയും മുമ്പ് വിള്ളലുകള് രൂപപ്പെട്ടു. കനത്ത മഴയെത്തുടര്ന്ന് റോഡിന്റെ ഒരു ഭാഗം നിലംപൊത്തിയത് നിര്മാണ ഗുണനിലവാരത്തെക്കുറിച്ച് വലിയ ചോദ്യങ്ങളും ആശങ്കകളും ഉയര്ത്തുന്നുണ്ട്.4,200 കോടി രൂപ ചെലവഴിച്ച് നിര്മിച്ച ലഖ്നൗ-കാണ്പൂര് ഗ്രീന്ഫീല്ഡ് നാഷണല് എലിവേറ്റഡ് എക്സ്പ്രസ് വേ ജൂലൈ 13-നാണ് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, കേന്ദ്ര പ്രതിരോധ മന്ത്രി രാജ്നാഥ് സിങ്, കേന്ദ്ര റോഡ് ഗതാഗത മന്ത്രി നിതിന് ഗഡ്കരി എന്നിവര് ചേര്ന്ന് ഉദ്ഘാടനം ചെയ്തത്.
എന്നാല് ഉദ്ഘാടനം കഴിഞ്ഞ് വെറും 12 ദിവസത്തിന് ശേഷം (ജൂലൈ 25) റോഡിന്റെ വലിയൊരു ഭാഗം ഇടിഞ്ഞുതാഴുകയായിരുന്നു. ഉന്നാവോയില് നിന്നുള്ള റോഡ് തകര്ച്ചയുടെ ദൃശ്യങ്ങള് അധികൃതരെപ്പോലും ഞെട്ടിച്ചു.കൊരാരി ഗ്രാമത്തിന് സമീപം അഞ്ച് മുതല് ഏഴ് മീറ്റര് വരെ നീളത്തില് റോഡ് ഇടിഞ്ഞുതാഴ്ന്നതായി കാണിച്ച് സമാജ്വാദി പാര്ട്ടി നേതാവ് മധുസൂദന് യാദവ് സമൂഹമാധ്യമങ്ങളില് വീഡിയോ പങ്കുവെച്ചു. ‘എക്സ്പ്രസ്വേയിലൂടെ യാത്ര ചെയ്യുമ്പോള് കൊരാരിക്ക് സമീപം എത്തിയപ്പോഴാണ് മഴയെ തുടര്ന്ന് റോഡില് വിള്ളലുകള് വീണത് ശ്രദ്ധയില്പ്പെട്ടത്’ എന്ന് അദ്ദേഹം ചൂണ്ടിക്കാട്ടി.സംഭവത്തെത്തുടര്ന്ന് പദ്ധതിയുടെ നിര്മാണ നിലവാരത്തെക്കുറിച്ചും നിരീക്ഷണ സംവിധാനങ്ങളെക്കുറിച്ചും വന് വിമര്ശനങ്ങള് ഉയര്ന്നിട്ടുണ്ട്. ഇത്തരം വിള്ളലുകള് വലിയ അപകടങ്ങള്ക്ക് കാരണമാകുമെന്ന് ആശങ്ക പ്രകടിപ്പിച്ച സമാജ്വാദി പാര്ട്ടി, പദ്ധതിയില് വലിയ തോതിലുള്ള അഴിമതി നടന്നിട്ടുണ്ടെന്ന് ആരോപിച്ചു. വിഷയത്തില് നാഷണല് ഹൈവേ അതോറിറ്റി (NHAI) ഉദ്യോഗസ്ഥര് ഇതുവരെ വ്യക്തമായ പ്രതികരണം നടത്തിയിട്ടില്ല. അതേസമയം, ദൃശ്യങ്ങള് പ്രചരിച്ച് വിവാദമായതോടെ തകര്ന്ന ഭാഗത്ത് അറ്റകുറ്റപ്പണികള് ആരംഭിച്ചിട്ടുണ്ട്.
