പതിവായി റാഗി കഴിക്കുന്നതുക്കൊണ്ട് അതിശയിപ്പിക്കുന്ന ആരോഗ്യഗുണങ്ങളാണുള്ളത്. റാഗിയിലെ ഉയര്ന്ന നാരുകള് രക്തത്തിലെ പഞ്ചസാരയുടെ അളവ് ഉയരാതെ നിയന്ത്രിക്കുന്നു. രാഗിയുടെ നാരുകള് കാര്ബോഹൈഡ്രേറ്റ് ആഗിരണം മന്ദഗതിയിലാക്കുന്നതിനാല് ഇതിന് ഗ്ലൈസെമിക് പ്രതികരണം കുറവാണ്. കാലക്രമേണ, ഇത് രക്തത്തിലെ പഞ്ചസാരയുടെ നിയന്ത്രണം മെച്ചപ്പെടുത്താന് സഹായിക്കും. പ്രത്യേകിച്ച് പ്രമേഹമോ പ്രീഡയബറ്റിസോ ഉള്ളവരില്.
റാഗിയില് സ്വാഭാവികമായും ഭക്ഷണ നാരുകള് അടങ്ങിയിട്ടുണ്ട്. ഇത് ദഹനത്തെ പിന്തുണയ്ക്കുകയും മലബന്ധം തടയാന് സഹായിക്കുകയും ചെയ്യുന്നു. റാഗിയിലെ അന്നജം ഒരു പ്രീബയോട്ടിക് ആയി പ്രവര്ത്തിക്കുകയും ആരോഗ്യകരമായ കുടല് ബാക്ടീരിയകളെ പോഷിപ്പിക്കുകയും ചെയ്യുന്നുവെന്ന് പഠനങ്ങള് സൂചിപ്പിക്കുന്നു. ആരോഗ്യകരമായ ഒരു കുടല് മൈക്രോബയോം മികച്ച പ്രതിരോധശേഷി, മെച്ചപ്പെട്ട മാനസികാവസ്ഥ, വീക്കം കുറയ്ക്കല് എന്നിവയുമായി ബന്ധപ്പെട്ടിരിക്കുന്നു.
സ്ത്രീകള് റാഗി പതിവായി കഴിക്കുന്നത് അസ്ഥികളെ ശക്തിപ്പെടുത്തുന്നു. ആര്ത്തവ ദിനങ്ങളിലെ അസ്വസ്ഥകള് കുറയ്ക്കാന് റാഗി സഹായിക്കും. ഗര്ഭകാലത്തും അസ്ഥികളുടെ സാന്ദ്രതയ്ക്ക് ഇത് വളരെ പ്രധാനമാണ്. ഉയര്ന്ന അളവിലുള്ള നാരുകള് കൂടുതല് നേരം വയറു നിറഞ്ഞതായി നിലനിര്ത്തുന്നു. ഇത് ആസക്തിയും അമിതഭക്ഷണവും കുറയ്ക്കുന്നു. വിശപ്പ് നിയന്ത്രിക്കാന് സഹായിക്കുന്ന അമിനോ ആസിഡുകളും ഇതില് അടങ്ങിയിട്ടുണ്ട്. ഇരുമ്പിന്റെ ഉറവിടമായതിനാല് ഇത് ഹീമോഗ്ലോബിന് അളവ് മെച്ചപ്പെടുത്താന് സഹായിക്കുന്നു. റാഗി ഡയറ്റില് ഉള്പ്പെടുത്തുന്നത് ചീത്ത കൊളസ്ട്രോള് (ഘഉഘ) കുറയ്ക്കാന് സഹായിക്കുകയും ആരോഗ്യകരമായ ഹൃദയത്തെ പിന്തുണയ്ക്കുകയും ചെയ്യുന്നു.