Culture
വിവിപാറ്റ് ഘടിപ്പിച്ച വോട്ടിങ് യന്ത്രങ്ങളിലും കുഴപ്പങ്ങള്; ഗുജറാത്തില് നിന്ന് 138 യന്ത്രങ്ങള് പിടികൂടി
അഹമ്മദാബാദ്: ഗുജറാത്തില് അസംബ്ലി തെരഞ്ഞെടുപ്പ് ആസന്നമായിരിക്കെ നൂറിലധികം വോട്ടിങ് യന്ത്രങ്ങളില് കുഴപ്പങ്ങള് കണ്ടെത്തി. ഡിസംബര് 14-ലെ ഒന്നാം ഘട്ടത്തില് വോട്ടിങ് നടക്കേണ്ട ഗുജറാത്തിലെ സുരേന്ദ്രനഗര് ജില്ലയില് നിന്നാണ് വോട്ടിങ് കൃത്യമല്ലാത്ത 138 വോട്ടിങ് യന്ത്രങ്ങള് ഉദ്യോഗസ്ഥര് കണ്ടെത്തിയത്. വോട്ട് ആര്ക്കാണ് ചെയ്തതെന്ന് വോട്ടറെ ബോധ്യപ്പെടുത്തുന്ന രശീതി (വിവിപാറ്റ്) ഘടിപ്പിച്ച യന്ത്രങ്ങളാണിവ എന്നത് സംഭവത്തിന്റെ ഗൗരവം വര്ധിപ്പിക്കുന്നു.
ഇ.ടി.വി ന്യൂസ് ഗുജറാത്തിയാണ് സുരേന്ദ്രനഗറില് നിന്ന് ഗുരുതരമായ കുഴപ്പമുള്ള യന്ത്രങ്ങള് കണ്ടെത്തിയ കാര്യം റിപ്പോര്ട്ട് ചെയ്തത്. തെരഞ്ഞെടുപ്പ് കമ്മീഷന് അധികൃതര് ഈ വാര്ത്ത സ്ഥിരീകരിച്ചിട്ടില്ല. ബാംഗ്ലൂരിലെ കമ്പനിയില് നിന്ന് എത്തിച്ചവയാണ് ഈ യന്ത്രങ്ങള് എന്നാണ് ഇ.ടി.വി റിപ്പോര്ട്ടില് പറയുന്നത്. കുഴപ്പം കണ്ടെത്തിയതോടെ ഇവ കമ്പനിയിലേക്കു തന്നെ തിരിച്ചയച്ചു. ഇ.ടി.വി ബുധനാഴ്ച ഈ വാര്ത്ത പുറത്തുവിട്ടെങ്കിലും മുഖ്യധാരാ ദേശീയ മാധ്യമങ്ങളൊന്നും ഇത് ഏറ്റെടുത്തിട്ടില്ല.
#Surendranagar માં 138 VVPAT મશીનમાં ખામી સામે આવી,તમામ મશીનો બેંગ્લોર કંપનીમાં પરત મોકલાયાં
— Etv News Gujarati (@EtvGujaratiNews) October 25, 2017
വോട്ടര്ക്ക് രശീതി കാണാന് സൗകര്യമുള്ള വിവിപാറ്റ് യന്ത്രങ്ങളാവും ഗുജറാത്ത് തെരഞ്ഞെടുപ്പില് പൂര്ണമായും ഉപയോഗിക്കുക എന്ന് മുഖ്യ തെരഞ്ഞെടുപ്പ് കമ്മീഷണര് അചല് കുമാര് ജോതി വ്യക്തമാക്കിയിരുന്നു. ഉത്തര് പ്രദേശ് തെരഞ്ഞെടുപ്പില് വോട്ടിങ് യന്ത്രങ്ങളില് ക്രമക്കേട് നടത്തിയെന്ന് ബി.എസ്.പിയും ആം ആദ്മി പാര്ട്ടിയും അടക്കമുള്ള കക്ഷികള് പരാതി ഉയര്ത്തിയതിനെ തുടര്ന്നാണ് കമ്മീഷന് വിവിപാറ്റ് യന്ത്രങ്ങള് ഏര്പ്പെടുത്താന് തയ്യാറായത്. എന്നാല്, ഇത്തരം യന്ത്രങ്ങളിലും ക്രമക്കേട് സംഭവിക്കാം എന്നതിന്റെ തെളിവാണ് സുരേന്ദ്രനഗറില് നിന്ന് പിടിച്ചെടുത്ത യന്ത്രങ്ങള്.
138 VVPAT machine found faulty, dirty game start pic.twitter.com/if9duG9D5o
— Navit Kumar (@nrc1079_kumar) October 27, 2017
ഗുജറാത്ത് തെരഞ്ഞെടുപ്പിന്റെ തിയ്യതി പ്രഖ്യാപിക്കല് കേന്ദ്ര തെരഞ്ഞെടുപ്പ് കമ്മീഷണര് വൈകിച്ചതിനെതിരെ വ്യാപക പ്രതിഷേധമാണ് ഉയര്ന്നിരുന്നത്. മോദി ഗുജറാത്ത് മുഖ്യമന്ത്രി ആയിരുന്നപ്പോള് ചീഫ് സെക്രട്ടറിയായിരുന്ന എ.കെ ജോതി ബി.ജെ.പിക്ക് അനുകൂലമായി നിലപാടെടുക്കുകയായിരുന്നു എന്നായിരുന്നു പ്രധാന വിമര്ശനം. ഗുജറാത്തിലെ പ്രളയം കാരണമാണ് തെരഞ്ഞെടുപ്പ് തിയ്യതി പ്രഖ്യാപിക്കാന് വൈകിയത് എന്ന ജ്യോതിയുടെ വിശദീകരണത്തിലെ പൊള്ളത്തരം ദേശീയ മാധ്യമങ്ങള് തുറന്നു കാട്ടിയിരുന്നു.
kerala
ഇറാനെ ആക്രമിച്ച് ആ രാജ്യത്തിന്റെ പരമോന്നത നേതാവിനെ വധിച്ചത് യുദ്ധക്കുറ്റം; അപലപിച്ച് മുസ്ലിം സംഘടന നേതാക്കള്
ഗള്ഫ് രാജ്യങ്ങളിലേക്കുള്ള ആക്രമണത്തില്നിന്ന് ഇറാന് പിന്തിരിയണമെന്ന് പാണക്കാട് സയ്യിദ് സാദിഖലി ശിഹാബ് തങ്ങള് വിളിച്ചുചേര്ത്ത സൗഹൃദ ഇഫ്താര് സംഗമത്തില് മുസ്ലിം സംഘടനാ നേതാക്കള് അംഗീകരിച്ച പ്രമേയം വ്യക്തമാക്കി.
പശ്ചിമേഷ്യന് സംഘര്ഷത്തില് ഇറാനെ ഏകപക്ഷീയമായി ആക്രമിച്ച അമേരിക്കയുടെയും ഇസ്രാഈലിന്റെയും നടപടിയെ അപലപിച്ച് മുസ്ലിം സംഘടന നേതാക്കള്. ഗള്ഫ് രാജ്യങ്ങളെല്ലാം യുദ്ധത്തിന്റെ പ്രത്യാഘാതം അനുഭവിക്കുകയാണ്. ഗള്ഫ് രാജ്യങ്ങളിലേക്കുള്ള ആക്രമണത്തില്നിന്ന് ഇറാന് പിന്തിരിയണമെന്ന് പാണക്കാട് സയ്യിദ് സാദിഖലി ശിഹാബ് തങ്ങള് വിളിച്ചുചേര്ത്ത സൗഹൃദ ഇഫ്താര് സംഗമത്തില് മുസ്ലിം സംഘടനാ നേതാക്കള് അംഗീകരിച്ച പ്രമേയം വ്യക്തമാക്കി.
പശ്ചിമേഷ്യയില് സമാധാനം ഉറപ്പ് വരുത്താന് ഐക്യരാഷ്ട്രസഭ ഉള്പ്പെടെ അന്താരാഷ്ട്ര ഏജന്സികള് അടിയന്തര ഇടപെടല് നടത്തണം. ഇറാനെ ആക്രമിച്ച് ആ രാജ്യത്തിന്റെ പരമോന്നത നേതാവിനെ വധിച്ചത് യുദ്ധക്കുറ്റമാണ്. പശ്ചിമേഷ്യയില് ഉരുണ്ടുകൂടിയ യുദ്ധത്തിന്റെ കാര്മേഘങ്ങള് ആശങ്കാജനകമാണെന്നും പ്രമേയത്തില് വ്യക്തമാക്കി.
ഒരു കോടിയോളം ഇന്ത്യക്കാര് ഈ രാജ്യങ്ങളില് പ്രവാസികളായി കഴിയുന്നുണ്ട്. അതില് ഗണ്യമായ വിഭാഗം മലയാളികളാണ്. യുദ്ധം നീണ്ടുനിന്നാല് വലിയ പ്രത്യാഘാതങ്ങളാണുണ്ടാവുക. മേഖലയില് സമാധാനം ഉറപ്പ് വരുത്താന് ഇന്ത്യ നയതന്ത്ര ഇടപെടല് നടത്തണം.- യോഗം അഭ്യര്ത്ഥിച്ചു. ഇന്ത്യയുടെ പരമ്പരാഗത നയമായ ചേരിചേരാ നയത്തില് മാറ്റം വരുന്നത് ദൗര്ഭാഗ്യകരമാണ്. സോഷ്യല് മീഡിയയില് യുദ്ധവുമായി ബന്ധപ്പെട്ട് അഭിപ്രായ പ്രകടനങ്ങള് നടത്തുമ്പോള് പക്വത കാണിക്കണമെന്നും യോഗം അഭ്യര്ത്ഥിച്ചു. രാജ്യം നേരിടുന്ന വെല്ലുവിളികളെ തരണം ചെയ്യാന് സമുദായ ഐക്യം നിലനിര്ത്തി മുന്നോട്ട് പോകണമെന്നും വിശുദ്ധ റമദാനിലെ ദിനരാത്രങ്ങള് പ്രതിസന്ധികളില്നിന്ന് മുക്തി നേടാനുള്ള പ്രാര്ത്ഥനകള്ക്ക് വിനിയോഗിക്കണമെന്നും സയ്യിദ് സാദിഖലി ശിഹാബ് തങ്ങള് പറഞ്ഞു.
സയ്യിദ് സാദിഖലി ശിഹാബ് തങ്ങള് അധ്യക്ഷത വഹിച്ചു. പി.കെ കുഞ്ഞാലിക്കുട്ടി ആമുഖപ്രഭാഷണം നടത്തി. അഡ്വ. പി.എം.എ സലാം സ്വാഗതം പറഞ്ഞു. ഇ.ടി മുഹമ്മദ് ബഷീര് എം.പി, ഡോ. എം.പി അബ്ദുസ്സമദ് സമദാനി എം.പി, പി.വി അബ്ദുല് വഹാബ് എം.പി, കെ.പി.എ മജീദ് എം.എല്.എ, ഡോ. എം.കെ മുനീര് എം.എല്.എ, സയ്യിദ് അബ്ബാസലി ശിഹാബ് തങ്ങള്, സയ്യിദ് റഷീദലി ശിഹാബ് തങ്ങള്, സയ്യിദ് ബഷീറലി ശിഹാബ് തങ്ങള്, കോഴിക്കോട് വലിയ ഖാസി പാണക്കാട് സയ്യിദ് നാസര് ഹയ്യ് ശിഹാബ് തങ്ങള്, ആര്.വി കുട്ടിഹസ്സന് ദാരിമി, കെ. മോയിന്കുട്ടി മാസ്റ്റര്, അഹമ്മദ് സലിം എടക്കര, ഡോ. ഹുസൈന് മടവൂര്, സി.പി ഉമ്മര് സുല്ലമി, എം. അഹമ്മദ് കുട്ടി മദനി, പി. മുജീബ് റഹ്മാന്, പി.എന് അബ്ദുല്ലത്തീഫ് മദനി, കെ. സജ്ജാദ്, ശിഹാബ് പൂക്കോട്ടൂര്, എ. നജീബ് മൗലവി, നദീര് മൗലവി കൊല്ലം, ഡോ. ഫസല് ഗഫൂര്, എഞ്ചി. പി. മുഹമ്മദ് കോയ, നിയാസ് പുളിക്കലകത്ത്, ഡോ. കുഞ്ഞാലി, ഡോ. കെ. മൊയ്തു, നവാസ് പൂനൂര്, ടി.പി ചെറൂപ്പ, എം.സി മായിന് ഹാജി, ഉമ്മര് പാണ്ടികശാല, പ്രൊഫ. ആബിദ് ഹുസൈന് തങ്ങള് എം.എല്.എ, അബ്ദുറഹ്മാന് രണ്ടത്താണി, കെ.എം ഷാജി, അഡ്വ. എന്. ഷംസുദ്ദീന് എം.എല്.എ, പി.എം സാദിഖലി, പാറക്കല് അബ്ദുല്ല, സി.പി ചെറിയ മുഹമ്മദ്, ഷാഫി ചാലിയം, എം.എ റസാഖ് മാസ്റ്റര്, ടി.ടി ഇസ്മായില്, കമാല് വരദൂര്, എന്.സി അബൂബക്കര് സംബന്ധിച്ചു.
Film
‘കേരളാ സ്റ്റോറി 2’ പ്രദര്ശിപ്പിക്കാം; സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തു
ജസ്റ്റിസുമാരായ സുശ്രുത് ധര്മ്മാധികാരി, പി.വി. ബാലകൃഷ്ണന് എന്നിവരടങ്ങിയ ഡിവിഷന് ബെഞ്ചാണ് ചിത്രത്തിന്റെ റിലീസിന് അനുമതി നല്കിയത്.
കൊച്ചി: വിവാദ സിനിമയായ ‘ദി കേരളാ സ്റ്റോറി 2 – ഗോസ് ബിയോണ്ട്’ന്റെ പ്രദര്ശനം തടഞ്ഞ സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് സ്റ്റേ ചെയ്തു. ഇതോടെ ചിത്രത്തിന് പ്രദര്ശനാനുമതി ലഭിച്ചു. ജസ്റ്റിസുമാരായ സുശ്രുത് ധര്മ്മാധികാരി, പി.വി. ബാലകൃഷ്ണന് എന്നിവരടങ്ങിയ ഡിവിഷന് ബെഞ്ചാണ് ചിത്രത്തിന്റെ റിലീസിന് അനുമതി നല്കിയത്.
നേരത്തെ, സിനിമ കേരളത്തെ അപകീര്ത്തിപ്പെടുത്തുന്നതാണെന്നും മതസൗഹാര്ദ്ദത്തെ ബാധിക്കുമെന്നും ചൂണ്ടിക്കാട്ടി ജസ്റ്റിസ് ബച്ചു കുര്യന് തോമസിന്റെ സിംഗിള് ബെഞ്ച് 15 ദിവസത്തേക്ക് പ്രദര്ശനം തടഞ്ഞിരുന്നു. ഇതിനെതിരെ നിര്മാതാക്കള് സമര്പ്പിച്ച അപ്പീല് ഡിവിഷന് ബെഞ്ച് പരിഗണിക്കുകയായിരുന്നു.
സെന്സര് ബോര്ഡിന്റെ അനുമതി ലഭിച്ച ചിത്രമാണിതെന്നും, ഏതെങ്കിലും സമുദായത്തെയോ സംസ്ഥാനത്തെയോ അപകീര്ത്തിപ്പെടുത്തുന്നില്ലെന്നും നിര്മാതാക്കള് കോടതിയില് വാദിച്ചു.
അതേസമയം സിനിമയുടെ സര്ട്ടിഫിക്കേഷനെതിരെയുള്ള ഹര്ജികള് പൊതുതാല്പര്യ ഹര്ജിയുടെ സ്വഭാവമുള്ളതാണെന്നും, അത് സിംഗിള് ബെഞ്ച് പരിഗണിച്ചതെങ്ങനെയെന്നും ഡിവിഷന് ബെഞ്ച് നിരീക്ഷിച്ചു.
Film
‘കേരള സ്റ്റോറി 2’: സ്റ്റേ ലംഘിച്ച് ബുക്കിങ്; നിര്മ്മാതാക്കള്ക്കെതിരെ കോടതിയലക്ഷ്യ ഹരജി
‘കേരള സ്റ്റോറി 2’ ബംഗാളില് പ്രദര്ശിപ്പിക്കാന് ശ്രമിക്കുന്നതായും ഓണ്ലൈന് ബുക്കിങ് തുടങ്ങിയതായും ചൂണ്ടിക്കാട്ടിയാണ് ഹരജി
‘കേരള സ്റ്റോറി 2’ സിനിമയുടെ റിലീസ് തടഞ്ഞുകൊണ്ടുള്ള കോടതി ഉത്തരവ് നിലനില്ക്കെ ഓണ്ലൈന് ബുക്കിങ് ആരംഭിച്ചതിന് പിന്നാലെ നിര്മ്മാതാക്കള്ക്കെതിരെ ഹൈക്കോടതിയില് കോടതിയലക്ഷ്യ ഹരജി നല്കി.
‘കേരള സ്റ്റോറി 2’ ബംഗാളില് പ്രദര്ശിപ്പിക്കാന് ശ്രമിക്കുന്നതായും ഓണ്ലൈന് ബുക്കിങ് തുടങ്ങിയതായും ചൂണ്ടിക്കാട്ടിയാണ് ഹരജി. ഹരജി ജസ്റ്റിസ് ബെച്ചു കുര്യന് തോമസിന്റെ സിംഗിള് ബെഞ്ച് പരിഗണിക്കും.
സെന്സര് ബോര്ഡ് അനുമതിക്കെതിരായ പരാതിയില് കേന്ദ്ര സര്ക്കാര് 15 ദിവസത്തിനകം തീരുമാനമെടുക്കുന്നത് വരെ ചിത്രം റിലീസ് ചെയ്യരുതെന്നായിരുന്നു നേരത്തെയുള്ള ഉത്തരവ്.
അതേസമയം സിംഗിള് ബെഞ്ചിന്റെ സ്റ്റേ ഉത്തരവിനെതിരെ നിര്മ്മാതാക്കള് നല്കിയ അപ്പീലില് ഹൈക്കോടതി ഡിവിഷന് ബെഞ്ച് ഇന്ന് വിധി പറയും.
പൊതുതാല്പ്പര്യ സ്വഭാവമുള്ള വിഷയം എങ്ങനെയാണ് സിംഗിള് ബെഞ്ച് പരിഗണിച്ചതെന്നും, ഹരജിക്കാരുടെ ഏത് അവകാശമാണ് ഇവിടെ ലംഘിക്കപ്പെട്ടതെന്നും ഡിവിഷന് ബെഞ്ച് ചോദിച്ചു.
എന്നാല് സിനിമയുടെ റിലീസ് തടയുന്നത് വലിയ സാമ്പത്തിക നഷ്ടമുണ്ടാക്കുമെന്നും, ചിത്രം കേരളത്തെ അപമാനിക്കുന്നതല്ലെന്നും നിര്മ്മാതാക്കള് കോടതിയില് വാദിച്ചു. പേര് നിശ്ചയിക്കുന്നത് ആവിഷ്കാര സ്വാതന്ത്ര്യത്തിന്റെ ഭാഗമാണെന്നും നിര്മ്മാതാക്കള് വ്യക്തമാക്കി.
-
india1 day agoകർണാടകയില് സമൂഹ മാധ്യമ നിയന്ത്രണം; 16 വയസിന് താഴെയുള്ള കുട്ടികൾക്ക് വിലക്ക്
-
More2 days ago‘ഞങ്ങൾ കാത്തിരിക്കുന്നു’; കരയുദ്ധത്തിനിറങ്ങിയാൽ യുഎസിനെ കാത്തിരിക്കുന്നത് ദുരന്തമെന്ന് ഇറാൻ
-
kerala2 days agoസമഗ്ര വികസനത്തിന്റെ കൊണ്ടോട്ടി മാതൃക
-
More2 days agoയുദ്ധത്തിനിടെ ട്രംപിന് വേണ്ടി പ്രാര്ഥിക്കാൻ ഓവൽ ഓഫീസിൽ ഒത്തുകൂടി ക്രിസ്ത്യൻ പാസ്റ്റര്മാര്
-
More2 days agoഇറാന്റെ അടുത്ത നേതാവിനെ തെരഞ്ഞെടുക്കുന്നതില് ഇടപെടും, ഖാംനഈയുടെ മകന് തനിക്ക് സ്വീകാര്യനല്ല: ട്രംപ്
-
india2 days agoഭരണഘടനക്കായി ഒരുമിക്കണം; യൂത്ത് ലീഗ് ഇഫ്താര് മീറ്റില് യൂത്ത് കോണ്ഗ്രസ് ദേശീയ അധ്യക്ഷന് ഉദയ്ഭാനു ചിബ്
-
News2 days agoഎപ്സ്റ്റീന് ഫയല്; ഈയാഴ്ച പുറത്തുവിടാനിരിക്കുന്ന രേഖകളില് ട്രംപിനെതിരായ വെളിപ്പെടുത്തലുകളും
-
More1 day agoതിരിച്ചടി തുടര്ന്ന് ഇറാന്; തെല് അവിവില് മിസൈല് വര്ഷം